خلاص انتهي زمن السكوت
مافيش احلام تاني هتموت
وهقول رأي بعلو الصوت
ويعيش الامل والخوف يموت
يامصر بروحي ودمي افديكي
واعيش العمر اعمر في اراضيكي
واغسل بدموعي ايداكي
وبدم الشهيد ارويكي
ياسجن ياللي ابوابك حدبد
خلاص راح سجانك بعيد
واتغير الحال والعيد اتبدل بعيد
والفجر نورة شقشق بنور جديد
من النهاردةهكون حر طليق
وبأيدي هزرع شجرة بكل طريق
وهقول اهلا لكل غريب وصديق
يامصر ياطوق النجاة لكل غريق
خلاص ولادك بايداهم التغير
ولا عاد فيهم عبد ولا اسير
وبصوت واحد قالوا احلا تعبير
واتجمعوا في ميدانك علي كلمة التحرير
****************************************************
اهداء الي كل الشرفاء
بقلمي
محمد عبدة
23 / 2 / 2011
الجمعة يونيو 17, 2011 3:11 pm